Psa 6 | JAE | STEP | O Apômtau, têmtac ŋandaŋ ênac aê atom. Têmtac êmoatiŋ tôŋ ma ôsôm aê atom.

Psalms 6

PESALEM 6

Mec gebe Anôtô ênam sa êndêŋ têm wapacŋa

1 O Apômtau, têmtac ŋandaŋ ênac aê atom.
Têmtac êmoatiŋ tôŋ ma ôsôm aê atom.

2 O Apômtau, taêm labu aê gebe aoc kêtu dambê.
O Apômtau, ômoasiŋ aê gebe katakê e katuc uŋ tageŋ.
3 Aê katuc ŋatutuc ŋasec.
O Apômtau, aôm gobe ônac jaê aê e êndêŋ ondocgeŋ.

4 O Apômtau, ôkac taôm ôkwi ômu ômôêŋ ma ônam aê sa.
Ônam aê sa êtu nêm moasiŋŋa,
5 gebe lau, taŋ sêmac êndu su sêja naŋ, taêŋ gêjam aôm atom.
Asa oc êŋgôm waem êsa aŋga lamboam.

6 Aê kasê aoc jamêc-jamêc e tekoc gêbac,
ma gaêc bêc gajac matocsulu sasa gêdêŋ gêbêc baliŋ gebe matocsulu kêsuŋ laplap laŋgwageŋ.
7 Aê kataŋ ŋanô e matocdêbu kêtiŋ ma galic gamêŋ sapu
kêtu ŋoc ŋacjo sêlêsu aêŋa.

8 Amac secwaga samob aêc su aŋga aêŋoc,
gebe Apômtau kêkêŋ taŋa ŋoc taŋiboa kapôêŋ.
9 Aê kataŋ e Apômtau kêkêŋ taŋagoc.
Apômtau kêkôc ŋoc mec sagac.
10 Aêŋoc ŋacjo samob oc selendec sec e nêŋ meloco êsa,
go têtaiŋ tauŋ su sebeŋ e sêc tomajeŋgeŋ sêna.
Dawidnê pesalem teŋ. Pesalem dambu tauŋŋa kêtu ŋamataŋa.